Keimahni

HRUAITU HMASATE
Mumbai khawpui hi Bombay a nih lai atang tawhin Mizoten an lo bel ve thin a. Tunhma atanga tun thlengin Mumbai khawpuia cheng Mizote hi chi thumin a then theih a. Pakhatnaah chuan hnathawk- sawrkar leh private a thawk. Pahnihnaah Sipai a tang (Navy leh Army) te leh pathumnaah chuan Zirlaite an ni tlangpui. Hmun changkang tak a nih rualin ei leh in khawsakna a hautak em avangin zirlaite an pung tam thei em em lo. Hostel chang lo tan chuan inluah man senso a sang hle a, tlin a harsa a ni.

He khawpui hi Mizo khawtlang nun hlim leh nuamti tlang takin an khawsakna hmun a ni a. Pawl te dinin mumal nei takin an inhuikhawm thin. Bombay Mizo Welfare & Cultural Association (BMCWA) hi June 30, 1983 tlai dar 4:30 –ah Mizo awm ang ang inhmu khawmin an din a. Inthlanna pawh nei hran lovin hruaitu tur an inruat a. Vawiin ni thlenga kan HRUAITU HMASATE a hranpa a en theih a ni. A tir te atangin Bombay Mizo Welfare & Cultural Association leh Mizo Inkhawm (Bombay Mizo Christian Fellowship) hi inbelh bawm tlata kalin hotute pawh mihringah an intawm vek a (designation tih danglam ni mahse). August 15, 2000 atangin BMWCA hi Mumbai Mizo Association (MMA) tia thlak a ni.

December 19, 2004 khan kum thar atanga hman turin kan inrelbawl dan tih danglam a ni a. Chumi ang chuan Mizo Association leh Mizo Inkhawm chu inpawh zawm tho siin hruaitu hran nei tawh tur a ni a. Tin, Zirlai leh Thalaite lam mamawh luhthuk pui thei tur te, khawtlang thil leh inkhawm rawngbawlna thlenga enkawltu tur pawl, Mizo Students and Youth of Mumbai (Thalai Pawl) din a ni ta bawk a. Heng pawl 3 te constitution pakhat (intawm) hmanga thlun khawm vek an ni a, a khaikhawmtu (umbrella body) chu MUMBAI MIZO ASSOCIATION hi a ni.

Khawpui changkang Mumbaia awm kan angin thil kan tih apiangah hneh leh tlin taka thil tih kan tum tlat thin a. Chuvangin, keimahni uanna lam ni lovin keimahni kan infuih nan ‘In Mumbai Mizo Association we do things in style’ kan ti thin.

Kum 2007-2008 chhunga Mumbai Mizo hruaitute chu hetiang hi a ni:

Mumbai Mizo Association (MMA):

Executive Members: Upa C. Samuela, Pu David Sinate, Tv Lalthanpuia Hauhnar, Tv. James C. Lalremruata, Pu P.B.Khuangkunga (Mizoram House, LO). Heng bakah hian BMCF leh MSYM (Thalai Pawl) Office Bearers te hi Ex-Officio EM niin MMA committee-ah an tel bawk.

Mizo Inkhawm (Bombay Mizo Christian Fellowship):

Committee Members: Maj Lalramhluna, Pi C Lalawii, Pi V. L Muani Tochhawng, Tv. B. Hmangaihkima, Tv. Rosema Colney.

Mizo Students and Youth of Mumbai (Thalai Pawl):

Committee Members: Nl. F Lallianpuii, Tv. R Lalnunpuia, Tv. Rosema Colney, Tv. TBC Lalvenchhunga, Tv. James Lalremruata.

Mumbai Mizo Website

He kan website hi MMA leh BMCF official website a ni a. Kum 2002 laihawl lai vel atanga tan a ni a. Zoram pawna Mizo awmkhawm zingah chuan website siam hmasa ber kan ni mai awm e. A enkawltu te chu:

• Tv. Lalthanpuia Hauhnar (Web Administrator)

• Tv. Vanlalruata Fanai (Content Developer)

• Pu Lalthuamliana (Content Developer)

• Tv. James C. Lalremruata (Content Developer)

• Pu Ramzauva Saiawi (Content Developer)

• Tv. Lalfakzuala Pachuau (Content Developer)

• Pu David Sinate (Content Developer- English Section)

• Pu R. L. Rinawma (Content Developer)

• Pu Joshua Lalrempuia (Content Developer)

He website chhawm nung a an hna tul kara thahnemngai taka thawktute hnathawhna chanchin tawite lo tarlang tel ila:

• Pu Ramzauva Saiawi, Thawhna: Asst. Manager, SBI - IT Core Banking Division

• Tv. Lalfakzuala Pachuau, Thawhna: CSA, ICICI One Source - Compu Credit

• Pu David Sinate: Thawhna: General Manager, Export Import Bank of India (EXIM)

• Tv. James C Lalremruata: Thawhna: Manager, Export Credit and Guarantee Corporation of India.

• Pu Lalthuamliana: Thawhna: Senior Manager, Core Banking Project, State Bank of India.

• Tv. Vanlalruata Fanai: Thawhna: Research Officer, Dept. of Eco. Reserve Bank of India.

• Pu R.L Rinawma, Thawhna: Commissioner, Income Tax

• Pu Joshua Lalrempuia, Thawhna: Consultant, Covansys (India) Pvt. Ltd.

He website hmangin Mizo nula leh tlangval te zirna leh eizawnna kawng thar dap kawnga kaih hruai leh tan la tura fuih hi thiltum lian tak a ni a. Miten an hlut sak chho tial tial a, khawvel ram kil tin atangin min hlut saktute thawm hriat a nuam thin hle a ni.