Serh-a ruihhlo thuhruk mansak

July 26, 2010:Ramhlun Vengthar YMA branch chuan hmeichhe pakhat, kum 23 miin a serha ruihhlo a thuhruk chu ni 23 July 2009 zan khan an mansak a, Central Anti Drug Squad hnenah hlanin, CADS hian Bawngkawn Police Station-ah an hlan chhawng leh.
Thudawnna sawi danin Zirtawpni kalta zan khan Lalpiangthari hi mobile bo chungchangah thil awmzia zawhfiah a ni a. Mobile bo tak hi hmuhkir la ni chiah loh mahse, ruihhlo a lo kawl tih hriatchhuah a ni a, amah hian zun dilin, a zunnaah hian a serha ruihhlo a thuhruk Parvon Spas mum 280 zet a phawrhchhuak a, paih maina tur a awm remchan loh avangin YMA te hnenah hian ‘min man dawn tho tho’ tiin a inpe ta mai nia hriat a ni.
Bawngkawn police pawhin heti ang case hi an nei nual tawh a, hmei-chhe pakhat chu pawisa ru nia rinhlelh thu-ah manin, a serh chhungah Rs 100/- note clip khat (Rs 10,000/-) lai a lo dah a, hei hi Bawngkawn police hmei-chhia ten an phawrh sak tawh bawk.


Source:zozam