|
“ Lawm ulangin nasa takin hlim rawh u; vanah in lawman a awm hnem si a; chutiang bawkin in hmaa zawlnei awmte pawh an tihduhdah thin kha.” Mathaia 5:12
Martar hlim tak thihna avang lawm an awm a nih chuan ringtute Kristian tia koh an nih hmasak berna khua, Antiokei kohhran hruaitu Ignatius-a kha a ni ngei ang. Ignatius-a chuan mi hmuhsit rawn, ringtute zinga a tel chu a chhuang khawp mai. Lalberin Antiokei a rawn tlawh tum pawhin a lo hmu nghe nghe a. Hetihlai hian Kristian ka ni intih chu thihna a ni tih vantlang hriat a ni.
Lalber chuan a hming a lo zawt a. Ignitius-a chuan baptisma a chan laia a hming thar sawiin, “Theophorus-a (Pathian neitu tihna), Krista chenchilh mi chu ka ni” tiin a lo chhang a. Emperor chuan bu nghut nghut chungin, “Pontia Pilata khenbeh kha maw?” a lo ti a. Ani chuan hlim hmel takin, “Ni e, Amah chu ka sual avanga khenbeh a ni .” a ti a. Lalber chuan sipaiho chu, “He pa hi phuar ula, Rome-ah sakeiabaknei sehtir atan hruai ang che u,” tiin thu a pe nghal a.Ignatius-a chu a hlim kher mai. Van lam a hawi a, ”Lalpa, Paula anga min chawimawi ve dawn avangin ka lawm e,” tiin a au chhuak hial a ni.
Tunlaia Turkey leh Greece ram kaltlang hian khawmualah sipai sawmin Rome khawpui thleng an kalpui a. A hnua a thiante lehkha a thawnna-ah Igantius-a chuan an zin dan chu keite sawm nena phuar khawm ang a ni a ti.An kal kawngah chuan ringtute hmu turin zalenna tlem an pe a. Kohhran hrang hrang pasarih hnenah kehkha a thawn thei bawk. Ignatius-a chu misual thiam loh chang angina a khawsa lo va, hnehtute lawmman dawng tur angin a awm a ni. A lekhkawthawn pakhatah chuan, “Ngunhnam a hnaih poh leh Pathian a hnai,” a ti.
Rome kohhranho chu a thlen tur thu lehkhawin a hrilh hmasa a. ”Ka chunchangah hian lo inrawlh suh u. Pathian tan lawm taka thi turin Rome khua ka rawn pan mek e,” a ti. A thian Polycarb-a hnenah pawh tihian a ziak: “Pathian hnen thleng turin ka tana buatsaih sakawlh, min bei tura ang phut tura ka duh lam chu ka pan a. Nghak khawmuang lova min seh theih nan ka chhaih kawlh dawn a ni,” tiin.
December 19, AD 117 khan Colosseum-ah thihlum a ni. An tihhlum dawn chuan hruiin an hlap hrep phawt a. Hriaka chiah thingzumin a nakah an vit a, thing chu an hal a. Mei sa chuan a vunte chu a kang sawr tlawk tlawk a. Thisen a chhuah nasat avangin a chau em em a, a mit pawh a meng peih meuh lo a ni ber. A sehtu tur sakeiabaknei an chhuah hnu rei lo te-ah a thi a. A ruhro bak hmuh tur a awm ta lo.
Krista vangin engtia na nge i tawrh theih? Vawiina i kawnga fiahna tlem te lo awmah khan i lawm thei em? I rinna avanga hmuhsit i hlawh lai khan i nui thei em? Thih phah dawn pawh ni la Krista chu i la tan tho a ngem?
Upload by Bena
|
Articles